Freedom Broker Armenia-ն միացել է CCIFA-ի ցանցին

Ֆրանս-հայկական առևտրի և արդյունաբերության պալատը (CCIFA) ուրախությամբ հայտարարում է, որ Freedom Broker Armenia-ը միացել է ֆրանս-հայկական գործարարների և մասնագետների համայնքին։

Freedom Broker Armenia-ը Հայաստանի Հանրապետության Կենտրոնական բանկի կողմից լիցենզավորված ներդրումային ընկերություն է, որը հնարավորություն է տալիս օգտվել տեղական և միջազգային ֆոնդային շուկաներից։ 2021 թվականի նոյեմբերի 9-ին տրամադրված լիցենզիայի շնորհիվ ընկերությունը ստացել է ներդրումային գործունեություն իրականացնելու իրավունք՝ կարևոր դեր ունենալով Հայաստանի ֆինանսական համակարգի զարգացման մեջ։

Ընկերությունը ներդրողներին հնարավորություն է տալիս մուտք գործել ԱՄՆ-ի, Եվրոպայի և ԱՊՀ երկրների ֆոնդային շուկաներ։ Այն առաջարկում է եկամուտ ստանալու հնարավորություն համաշխարհային առաջատար ընկերությունների արժեթղթերից, օգտվելու բարձր ներուժ ունեցող IPO-ների (առաջնային հրապարակային առաջարկների) վերլուծություններից, ներդրումներ կատարելու ներդրումային ֆոնդերում կամ ինքնուրույն առևտուր իրականացնելու Freedom Broker Armenia-ի առցանց առևտրային հարթակի միջոցով։

Freedom Broker Armenia-ը Freedom Holding Corp. միջազգային ֆինանսական խմբի անդամ է, որի բաժնետոմսերը ցուցակված են NASDAQ բորսայում՝ FRHC տիկերով։ Խմբի շուկայական կապիտալիզացիան կազմում է 7.5 միլիարդ ԱՄՆ դոլար, իսկ ընդհանուր ակտիվները 2026 թվականի մարտի դրությամբ հասել են 12.4 միլիարդ ԱՄՆ դոլարի։

Freedom Holding Corp.-ը հրապարակային բաժնետիրական ընկերություն է։ Իր դուստր ընկերությունների միջոցով՝ Ղազախստանում, ԱՄՆ-ում, Ուկրաինայում, Ուզբեկստանում, Ղրղզստանում, Հայաստանում, ԱՄԷ-ում, Գերմանիայում, Միացյալ Թագավորությունում և Կիպրոսում, ինչպես նաև ներկայացուցչական գրասենյակների միջոցով Հունաստանում, Ֆրանսիայում և Իսպանիայում, խումբն առաջարկում է ֆինանսական ծառայությունների լայն շրջանակ, այդ թվում՝

• Բրոքերային ծառայություններ ֆիզիկական անձանց համար
• Ներդրումային խորհրդատվություն
• Արժեթղթերի առքուվաճառք
• Ներդրումային բանկային ծառայություններ
• Արժեթղթերի տեղաբաշխում
• Բանկային ծառայություններ
• Ապահովագրական ծառայություններ

ԱՊՀ և Կենտրոնական Ասիայի երկրների ներդրումային և բրոքերային ծառայությունների շուկայի առաջատարներից մեկը հանդիսացող Freedom Holding Corp.-ն ունի ավելի քան 17 տարվա փորձ միջազգային ֆինանսական շուկաներում։ Խումբն ունի ավելի քան 11,000 աշխատակից և գործում է 233 գրասենյակների ու մասնաճյուղերի միջոցով Ասիայում, Եվրոպայում և Ամերիկայում։ Նրա թվային էկոհամակարգից օգտվում է ավելի քան 11 միլիոն օգտատեր։

Խումբը հաշվետու թողարկող է և իր հաշվետվությունները ներկայացնում է ԱՄՆ Արժեթղթերի և բորսաների հանձնաժողովին (SEC)։ Խմբի անկախ աուդիտորը Deloitte-ն է, իսկ բաժնետոմսերը ցուցակված են NASDAQ Capital Market-ում։

Մենք ուրախ ենք Freedom Broker Armenia-ին տեսնել CCIFA-ի ցանցի անդամների շարքում և մաղթում ենք նրանց մեծ հաջողություններ իրենց ապագա նախաձեռնություններում։