Անդրադարձ Ֆրանսիայի և Հայաստանի միջև առևտրային բեռնափոխադրումներին նվիրված մեր վեբինարին

Ֆրանս-Հայկական Առևտրաարդյունաբերական Պալատը (CCIFA) կազմակերպել է Ֆրանսիայի և Հայաստանի միջև ապրանքների փոխադրմանը նվիրված վեբինար՝ նպատակ ունենալով ընկերություններին տրամադրել գործնական գիտելիքներ՝ իրենց առևտրային գործառնություններն ավելի արդյունավետ պլանավորելու և անվտանգ իրականացնելու համար։

Վեբինարը վարել է Սեբաստիեն Վիտալին՝ CMA CGM ընկերության առևտրի մենեջերը և CCIFA-ի վարչական խորհրդի անդամը։ Ներկայացման ընթացքում անդրադարձ է կատարվել երկու երկրների միջև բեռնափոխադրումների տարբեր եղանակներին, դրանց արժեքին, ժամկետներին և անհրաժեշտ նախապատրաստական ու մաքսային ձևակերպումներին։

Տրանսպորտային լուծումների համեմատություն՝ ճիշտ ընտրություն կատարելու համար

Ավտոմոբիլային, ծովային՝ վրացական Փոթի և Բաթումի նավահանգիստներով, կամ օդային բեռնափոխադրումներ․ յուրաքանչյուր տարբերակ ունի իր առավելությունները՝ կախված բեռի բնույթից, բյուջեից և ցանկալի ժամկետներից։ Վեբինարի ընթացքում ներկայացվել են այս տարբերակների արժեքի և առաքման ժամկետների տարբերությունները, ինչպես նաև Վրաստանի կարևոր դերը՝ որպես Եվրոպայի և Հայաստանի միջև ցամաքային և ծովային բեռնափոխադրումների տարանցիկ երկիր։

Նախապես պլանավորել ձևակերպումները և ապահովել բեռների անվտանգ փոխադրումը

Փոխադրող ընկերության ընտրությունից բացի, առևտրային գործարքի հաջող իրականացումը կախված է նաև լոգիստիկ և մաքսային գործընթացների պատշաճ նախապատրաստումից։ Ներկայացման ընթացքում քննարկվել են անհրաժեշտ հիմնական ձևակերպումները, ապրանքների համապատասխանության պահանջները, ինչպես նաև լրացուցիչ ծախսերը, որոնք կարող են ազդել բեռնափոխադրման վերջնական արժեքի վրա։

Աջակցել ֆրանս-հայկական առևտրային հարաբերությունների զարգացմանը

Այս վեբինարի միջոցով CCIFA-ն շարունակում է իր գործունեությունը՝ նպաստելով Ֆրանսիայի և Հայաստանի միջև տնտեսական հարաբերությունների զարգացմանը։ Բեռնափոխադրումների տարբերակների և միջազգային առևտրի առանձնահատկությունների վերաբերյալ գործնական տեղեկատվություն տրամադրելով՝ Պալատն օգնում է ընկերություններին ավելի լավ կողմնորոշվել և հեշտացնել իրենց միջազգային գործունեությունը։

CCIFA-ն շնորհակալություն է հայտնում Սեբաստիեն Վիտալիին՝ իր ելույթի և ֆրանս-հայկական առևտրային հարաբերությունների համար կարևոր այս թեմայի շուրջ իր փորձը կիսելու համար։

Ներկայացման նյութին կարող եք ծանոթանալ այստեղ։