Մարտին Վասալը և Անտոնի Դելոնը նշեցին «2024 թվականի Գրքի մրցանակաբաշխությունը»

Գրականության աշխարհը խթանող այս միջոցառումը շարունակում է զարգանալ և ձեռք բերել ավելի մեծ ճանաչում։

Արդեն իսկ ամուր տեղ զբաղեցնելով Մարսելի մշակութային կյանքում՝ այս տարվա միջոցառումն առանձնացավ պատվավոր հյուր Անտոնի Դելոնի մասնակցությամբ, որի ընթացքում հարգանքի տուրք մատուցվեց նրա հորը՝ Ալեն Դելոնին։

Գունեղ ու հանդիսավոր մթնոլորտում անցկացված «Գրքի մրցանակաբաշխության» 8-րդ թողարկումը, որի նախագահն էր Բուշ-դյու-Ռոն դեպարտամենտի խորհրդի և Էքս-Մարսել-Պրովանս մետրոպոլիայի նախագահ Մարտին Վասալը, տեղի ունեցավ դեկտեմբերի 7-ին՝ շաբաթ օրը, դեպարտամենտի վարչական շենքի Լուի Ֆիլիբերի մեծ սրահում՝ ավելի քան 200 հյուրի մասնակցությամբ։

Բեմում Մարտին Վասալի կողքին էին «Petrossian» տան նախագահ և գլխավոր գործադիր տնօրեն Արմեն Պետրոսյանը, կինոպրոդյուսեր և «Սեզար» կինոակադեմիայի պատվավոր անդամ Ալեն Տերզյանը, ժյուրիի անդամները, ինչպես նաև Մարսելում Հայաստանի Հանրապետության գլխավոր հյուպատոս Արա Մկրտչյանը և Անտոնի Դելոնը։

Ալեն Սարգսյանի հոդվածը

Հոդվածի աղբյուրը և շարունակությունը՝ https://www.armenews.com/martine-vassal-et-anthony-delon-celebrent-les-prix-du-livre-2024/?fbclid=IwY2xjawHCwY1leHRuA2FlbQIxMAABHSEGjXeUjsMyiAKGYYd2r1TQ9qGpC4XjIc-xHDIFCi3S1-6cAPnQzsYzIw_aem_34NkvNiUltSJ6Vq-Ch7bvQ