«Ներդրումներ Հայաստանում» – Մարսելի միջազգային ցուցահանդես

Aix-Marseille-Provence Առևտրի և արդյունաբերության պալատի և CCIFA Armenia-ի կողմից, Հայկական երիտասարդական և մշակութային տան (MAJC) աջակցությամբ կազմակերպվող այս միջոցառումը նպատակ ունի ներկայացնել Հայաստանի տնտեսական ներուժը և խթանել ֆրանսիական ու հայկական գործարար համայնքների միջև համագործակցության նոր հնարավորությունները։

Միջոցառումը նախատեսված է ձեռնարկատերերի, ներդրողների, բիզնես առաջնորդների և ինստիտուցիոնալ գործընկերների համար՝ առաջարկելով հարթակ՝ ծանոթանալու հայկական ընկերությունների և նախաձեռնողների նորարարական նախագծերին։ Ներկայացվող ոլորտներն ընդգրկում են տեխնոլոգիաները, ենթակառուցվածքները, շրջակա միջավայրի պահպանությունը, թվային առողջապահությունը, մշակութային արդյունաբերությունը և ձեռնարկատիրությունը։

Նախագծերի շնորհանդեսները հնարավորություն են տալիս բացահայտելու ներդրումային հեռանկարները, բարձր զարգացման ներուժ ունեցող նախաձեռնությունները և ֆրանս-հայկական համագործակցության նոր ուղղությունները։ Ծրագրում ներառված են նաև ինստիտուցիոնալ կարևոր միջոցառումներ, այդ թվում՝ CCIFA Bac Mention Très Bien մրցանակաբաշխությունը, որը խրախուսում է ակադեմիական գերազանցությունը և ամրապնդում երկու երկրների միջև կապերը։

Միջոցառումն ավարտվում է networking-քոքթեյլով, որը նպաստում է ներդրողների, ընկերությունների, պետական կառույցների և նախագծերի հեղինակների միջև նոր կապերի ստեղծմանն ու երկարաժամկետ համագործակցությունների զարգացմանը։ Այս նախաձեռնությամբ CCIFA Armenia-ն, Aix-Marseille-Provence Առևտրի և արդյունաբերության պալատը և նրանց գործընկերները նպաստում են ֆրանս-հայկական տնտեսական համագործակցության խորացմանը։