OVIO-ն բացել է Հայաստանի ամենամեծ և ամենահզոր տվյալների մշակման կենտրոնը

OVIO ընկերությունը պաշտոնապես բացել է Հայաստանի ամենամեծ և ամենահզոր տվյալների մշակման կենտրոնը՝ Հայաստանի Հանրապետության փոխվարչապետ Մհեր Գրիգորյանի մասնակցությամբ։

Վերջերս առևտրային շահագործման հանձնված տվյալների մշակման կենտրոնը, իր առաջադեմ հնարավորությունների շնորհիվ, կարևոր դեր կկատարի Հայաստանում տվյալների կառավարման և ամպային ծառայությունների զարգացման գործում։ Ընկերության առաջարկների առանցքում կլինեն ամպային լուծումները՝ ապահովելով մասշտաբավորվող, անվտանգ և արդյունավետ ծառայություններ։

Հաշվի առնելով ծրագրի ռազմավարական նշանակությունը երկրի համար՝ ընկերության կողմից կառուցված տվյալների մշակման կենտրոնի ներդրումային ծրագիրը հաստատվել է Հայաստանի Հանրապետության կառավարության կողմից և ընդգրկվել է Հայաստանի Հանրապետության «Ներդրումների համար ենթակառուցվածքներ» աջակցության ծրագրում։

Լրացուցիչ տեղեկությունների համար դիտեք տեսանյութը OVIO-ի պաշտոնական Facebook էջում՝ հետևյալ հղմամբ՝
https://fb.watch/sIrxcMbk6w/