Համագործակցության համաձայնագիր է ստորագրվել Հայաստանի եկամուտների կոմիտեի և Հայաստանի ֆրանսիական համալսարանի (UFAR) միջև

Այսօր պաշտոնապես ստորագրվել է համագործակցության նոր համաձայնագիր Հայաստանի եկամուտների կոմիտեի և Հայաստանի ֆրանսիական համալսարանի (UFAR) միջև։ Համաձայնագրի նպատակն է զարգացնել ինչպես UFAR-ի ուսանողների, այնպես էլ Կոմիտեի աշխատակիցների մասնագիտական կարողություններն ու հմտությունները։

Ստորագրման արարողության ընթացքում Եկամուտների կոմիտեի նախագահ Ռուստամ Բադասյանը և UFAR-ի ռեկտոր Սալվա Նաքուզին ընդգծել են այս համագործակցության կարևորությունը՝ համատեղ մասնագիտական փորձի և գիտելիքների զարգացման տեսանկյունից։ Նրանք նաև հայտնել են ապագայում համագործակցության ուղղություններն ընդլայնելու իրենց պատրաստակամության մասին՝ երկու հաստատությունների համար ստեղծվող հնարավորություններն առավել հարստացնելու նպատակով։

Այս գործընկերությունը կարևոր քայլ է պետական հատվածի և ակադեմիական համայնքի միջև կապերի ամրապնդման գործում՝ ճանապարհ հարթելով ապագային միտված համատեղ և հեռանկարային նախագծերի իրականացման համար։

Հոդվածի աղբյուրը՝
https://armenpress.am/hy/article/1204232