CCIFA-ն ակտիվորեն աջակցում է Օվերն-Ռոն-Ալպեր տարածաշրջանի պատվիրակության այցին Հայաստան

Ֆրանս-հայկական առևտրի և արդյունաբերության պալատի (CCIFA) նախագահ Արմեն Մնացականյանը պատիվ է ունեցել ակտիվ մասնակցություն ունենալու այն հանդիպումներին, որոնք կազմակերպվել էին Օվերն-Ռոն-Ալպեր տարածաշրջանի պաշտոնական պատվիրակության Հայաստան այցի շրջանակում։

Այս առաքելությունը, որին մասնակցում էին ֆրանսիական տարածաշրջանի տնտեսական, քաղաքական և ինստիտուցիոնալ ներկայացուցիչներ, նպատակ ունի ամրապնդել համագործակցությունը այնպիսի ռազմավարական ոլորտներում, ինչպիսիք են տնտեսությունը, կրթությունը, շրջակա միջավայրը, գյուղատնտեսությունը և նորարարությունը։

CCIFA-ն լիովին աջակցում է այս համագործակցության զարգացման գործընթացին և բարձր է գնահատում Օվերն-Ռոն-Ալպեր տարածաշրջանի երկարամյա նվիրվածությունը Հայաստանին։ Այս համագործակցությունը կարևոր հնարավորություն է ստեղծում տարածքային զարգացմանը միտված գործնական նախագծերի իրականացման, փոխադարձ ներդրումների խթանման և կայուն պետական-մասնավոր գործընկերությունների ձևավորման համար։

Լինելով ֆրանսիական և հայկական տնտեսական շրջանակների միջև կապող կամուրջ՝ CCIFA-նհանձնառու է երկարաժամկետ աջակցելու այս փոխանակումներին, նպաստելու տարբեր դերակատարների միջև կապերի հաստատմանը և արժևորելու երկու երկրների փորձն ու մասնագիտական ներուժը։