Jeff de Bruges »-ը միանում է CCIFA-ի ցանցին

Նորություններ

Ֆրանս-հայկական առևտրաարդյունաբերական պալատն (CCIFA) ուրախ է հայտարարել մեր ցանցին «Jeff de Bruges Armenia»-ի միանալու մասին:

1986 թվականի իր հիմնադրումից ի վեր «Jeff de Bruges»-ը զարգացնում է շոկոլադագործության բացառիկ հմտություններ: Ունենալով ավելի քան 500 խանութներից բաղկացած միջազգային ցանց՝ ապրանքանիշն այսօր նշում է իր մուտքը հայաստանյան շուկա՝ Երևանի կենտրոնում բացելով իր առաջին երկու հիասքանչ սրահները՝ Թումանյան 30 հասցեում և Մաշտոցի պողոտայում՝ «Մալիբու» համալիրի տարածքում:

Ունենալով իր գլխամասային գրասենյակն ու խանութների ցանցը Ֆրանսիայում, ինչպես նաև հիմնական արտադրամասերն ու շոկոլադագործության վարպետներին Բելգիայում՝ «Jeff de Bruges»-ը համատեղում է ֆրանսիական գաստրոնոմիական ստեղծարարությունն ու բելգիական շոկոլադագործության ամենամաքուր ավանդույթները:

«Jeff de Bruges»-ը հանդես է գալիս իր արտադրանքի որակի և կայունության բացարձակ հանձնառությամբ՝ հիմնվելով «լոբուց մինչև սալիկ» (bean-to-bar) արտադրական ամբողջական մոդելի վրա: Ապրանքանիշն ունի իր սեփական պլանտացիաները Էկվադորի Գուայակիլ տարածաշրջանում՝ երաշխավորելով կենսաբազմազանության պահպանումն ու տեղական արտադրողների շահերի հարգումը:

Հայաստանում իր գործունեության մեկնարկով «Jeff de Bruges»-ը ոչ միայն համաշխարհային ճանաչում ունեցող քաղցրավենիք է բերում շուկա, այլև տարածում է կենսաբազմազանության և բնական ցիկլերի հանդեպ հարգանքի փիլիսոփայությունը՝ նպատակ ունենալով ստեղծել պատասխանատու շոկոլադ՝ այսօրվա և վաղվա համար:

Մենք հպարտ ենք Ֆրանս-հայկական առևտրաարդյունաբերական պալատում (CCIFA) հյուրընկալել մի ընկերություն, որը հանդիսանում է ֆրանս-բելգիական շոկոլադագործության հմտությունների վառ արտացոլումը, ինչպես նաև որակի և խոհարարական արվեստի խորհրդանիշը:

Ընկերության մասին ավելին իմանալու համար՝ https://www.jeff-de-bruges.com/en/jeff-de-bruges-armenia

Instagram՝ https://www.instagram.com/jeffdebruges_armenia/

Բարի գալուստ «Jeff de Bruges Armenia»՝ CCIFA-ի գործընկերների ցանց:

Նմանատիպ հոդվածներ