Հայաստանում տնտեսական ակտիվությունն աճել է 7.4%-ով

Հայաստանի Հանրապետության վիճակագրական կոմիտեի տվյալների համաձայն՝ 2024 թվականի հունվարից նոյեմբեր ընկած ժամանակահատվածում երկրի տնտեսական ակտիվությունը նախորդ տարվա նույն ժամանակահատվածի համեմատ աճել է 7.4%-ով։

2024 թվականի նոյեմբերին Հայաստանի տնտեսական ակտիվության ցուցանիշը նախորդ ամսվա համեմատ մնացել է անփոփոխ, սակայն նախորդ տարվա նույն ամսվա համեմատ գրանցել է 1.2% աճ։ Տարվա առաջին 11 ամիսների ընթացքում արդյունաբերական արտադրանքի ծավալը 2023 թվականի համապատասխան ժամանակահատվածի համեմատ աճել է 7.6%-ով՝ կազմելով մոտավորապես 2 տրիլիոն 673 միլիարդ 149.3 միլիոն դրամ։

Միևնույն ժամանակ, 2024 թվականի հոկտեմբերի համեմատ նոյեմբերին արդյունաբերական արտադրանքի ծավալը նվազել է 0.5%-ով։ Ապրանքների առևտրի ոլորտում նոյեմբերին գրանցվել է ընդհանուր 274 միլիարդ 166.6 միլիոն դրամի շրջանառություն, ինչը 2023 թվականի նոյեմբերի համեմատ 19%-ով նվազում է։

2024 թվականի հունվարից նոյեմբեր ընկած ժամանակահատվածում Հայաստանում ծառայությունների ծավալը (առանց առևտրի) 2023 թվականի նույն ժամանակահատվածի համեմատ աճել է 6.3%-ով՝ հասնելով մոտավորապես 3 տրիլիոն 26 միլիարդ 624.6 միլիոն դրամի։ Նոյեմբերին ամսական աճը կազմել է 0.5%, իսկ ծառայությունների ծավալը՝ մոտավորապես 291 միլիարդ 927.7 միլիոն դրամ։ 2023 թվականի նոյեմբերի համեմատ աճը կազմել է 10.4%։

https://armenpress.am/hy/article/1208338