Հայաստանում մեկնարկել է WITSA World Cup ազգային մրցույթի հայտերի ընդունումը
Նորություններ
Հայաստանում պաշտոնապես մեկնարկել է WITSA World Cup ազգային մրցույթի հայտերի ընդունումը՝ հայկական ստարտափներին ընձեռելով իրենց նորարարական լուծումները ներկայացնելու և միջազգային հարթակում մրցելու բացառիկ հնարավորություն։
Հայաստանի ազգային մրցույթի հայտերի ընդունման փուլը տևում է 2024 թվականի հուլիսի 3-ից մինչև հուլիսի 31-ը։
Մրցույթին հրավիրվում են մասնակցելու pre-Series A փուլում գտնվող հայկական ստարտափները։ Ազգային մրցույթի համար կընտրվեն մինչև 20 ընկերություն, իսկ դրանցից երկու լավագույն ստարտափները կներկայացնեն Հայաստանը WITSA World Cup-ի միջազգային մրցույթում։
WITSA World Cup (WWC)-ը կանցկացվի WCIT2024/DigiTec համաժողովի շրջանակում՝ 2024 թվականի հոկտեմբերին, Երևանում, Կարեն Դեմիրճյանի անվան մարզահամերգային համալիրում։
Ազգային մրցույթի ընտրության գործընթացը հիմնված կլինի գնահատման հետևյալ հինգ հիմնական չափանիշների վրա.
- Նորարարություն,
- Հաճախորդների ներգրավվածություն (Customer traction),
- Մասշտաբայնացման հնարավորություն,
- Տեխնոլոգիա՝ հանուն հասարակական բարօրության (Technology for Good),
- Ներուժ։
Այս միջոցառումը հայկական ստարտափներին հնարավորություն է տալիս մրցելու համաշխարհային մակարդակում՝ ընդգծելով նորարարությունը և ազդեցիկ տեխնոլոգիական լուծումներ ստեղծելու ներուժը։
Հոդվածի ամբողջական տարբերակը կարդալու համար այցելեք հետևյալ հղմամբ․
