Հյուրանոցային ներդրումների ֆորում – Երևան 2025

Ֆրանս-հայկական առևտրի և արդյունաբերության պալատը (CCIFA) պատիվ է ունեցել մասնակցելու Hospitality Investment Forum Yerevan 2025 միջոցառմանը, որը Հայաստանի հյուրանոցային և զբոսաշրջային ոլորտների զարգացմանն ուղղված կարևոր հարթակ է։

Որպես այս հավակնոտ նախաձեռնության աջակից՝ CCIFA-ն վերահաստատում է իր հանձնառությունը՝ խթանելու տեղական և միջազգային դերակատարների միջև համագործակցությունը, ակտիվացնելու ներդրումները և նպաստելու Հայաստանի դիրքավորմանը որպես առաջնակարգ զբոսաշրջային ուղղություն։

Ֆորումին մասնակցել են CCIFA-ի նախագահ Արմեն Մնացականյանը և հաղորդակցության պատասխանատու Էլյանորա Սարգսյանը, որոնք ներկայացրել են Պալատը և ակտիվորեն ներգրավվել ռազմավարական քննարկումներում, B2B հանդիպումներում և ներդրողների, նախագծերի նախաձեռնողների, պետական որոշում կայացնողների ու ոլորտի փորձագետների միջև կառուցողական երկխոսություններում։

Այս միջոցառումը կարևոր հնարավորություն էր ներկայացնելու հայկական շուկայի առավելությունները և ամրապնդելու ֆրանս-հայկական տնտեսական կապերը հյուրընկալության և զբոսաշրջության ոլորտում։